Sidraría Ribela

RIBELA, é  unha empresa familiar dedicada á produción de mazá ecolóxica e sidra galega, elaborada con variedades autóctonas. Trátase dun proxecto empresarial sustentable situado en Ribela, Concello da Estrada (Pontevedra), inmerso nunha contorna plenamente rural.

En Galicia prodúcese sidra dende a Idade de Ferro pero na actualidade, soamente  se mantén esta tradición en certos lugares dispersos. Na comarca da Estrada, entre os vales e ribeiras dos ríos Ulla, Umia e Liñares, as mazás autóctonas permaneceron ata os nosos días.

En RIBELA, elaboramos sidra a partir de mazás locais e ancestrais procedentes de cultivos ecolóxicos propios. Variedades como a Rabiosa, a Raida, Marafouza, Freixerana ou Pementa forman parte dese patrimonio de ata catrocentas variedades diferentes propias de Galicia.

A sidra RIBELA é elaborada de forma tradicional nunha antiga casa de aldea restaurada, deixando que madure no silencio da nosa adega o carón dun impresionante patrimonio histórico, cultural e natural.