Falar de sidra na Estrada non é falar soamente dunha bebida, senón que tamén é falar de cultura e dunha actividade cunha marcada tradición na zona ao longo dos séculos.

A Ruta da Sidra na Estrada lévanos a visitar as parroquias de A Estrada: Callobre, Moreira, Agar, Pardermarín, Olives e Ribela.

A ruta  ofrécelle a todas aquelas persoas que  visiten o concello a posibilidade de adentrarse nun dos recursos máis tradicionais da contorna mediante visitas a fincas con plantacións de maceiras ecolóxicas de variedades autóctonas, así como a visita a sidrerías e lagares antigos que manteñen as vellas estruturas de pedra e madeira tallada onde se elaboraba antigamente a sidra.

Esta ruta ten a peculiaridade de que pode ser realizada en tres épocas diferentes do ano, tendo en conta o ciclo de produción da sidra: floración das maceiras, maceiras con froito e finalmente elaboración da sidra.

PERTENCEMOS A REDE CIDERLANDS !

A nosa ruta da sidra foi incluída na rede CIDERLANDS que é unha rede de destinos que impulsa a difusión global da cultura e o turismo ao redor da sidra e a perada, unha realidade que actualmente vive un verdadeiro renacemento en todo o mundo.